Juventus në gjurmët e Hysajt
Mediat në Itali përmendin një shkëmbim me De Sciglio
Mundësia që Elseid Hysaj të bashkohet me Maurizio Sarri po përmendet sërish. Mediat në Itali shkruajnë për një shkëmbim mes mbrojtësit shqiptar dhe Mattia De Sciglio të Juventus.
“Gazzetta dello Sport” e vendos në listën e lëvizjeve në merkato. E përditshmja e njohur sportive kujton se lidhja e Hysajt me trajnerin Sarri nis nga periudha e Empolit, ku mbrojtësit iu besua të luante në Serie A në moshën 20-vjeçare.
Të dy pastaj kaluan te Napoli, periudha më e suksesshme në karrierën e futbollistit të Kombëtares. Ardhja e Carlo Ancelotti-t solli probleme për Elseid Hysajn dhe një situatë e tillë po vijon edhe me Gennaro Gattuso. Për këtë motiv Napoli mund ta lejojë të largohet drejt Juventus shkuan “Gazzetta dello Sport”.
Tv Klan