Juventus pret Bologna-n për t’iu afruar titullit
Juventusi do të presë Bolognan në Allianz Stadium për të bërë ndoshta hapin e fundit drejt titullit kampion. Pas fitores në derbin e Italisë në “San Siro” me Interin që u shoqërua me shumë polemika, sonte është mundësia për të mbyllur gjithçka. Takimi me Bolognan e vendit të 12, duket i lehtë por Massimiliano Allegri në konferencën për shtyp para ndeshjes i ka bërë apel dy argjentinasve të tij për të dhënë maksimumin dhe siguruar trofeun.
“Duhet të fitojmë për të përgatitur sa më mirë kupën e Italisë, për ndryshe do ti komplikojmë gjerat. Bologna do të vijë për të kërkuar një fitore historike. Do të luajnë Dybala dhe Higuain. Janë lojtarët që duhet të na japin fitimin e trofeut”.
Juventus nuk do të ketë të gatshëm Pjaniç dhe Mandzukic të skualifikuar. Në rast në një fitoreje Juve do të shkonte 7 pikë më shumë se Napoli i vendit të dytë që do të përballet me Torinon. Paradoksale është por Juve e pret një dhuratë nga rivalja e qytetit për të siguruar matematikisht kampionatin për të 7-ën herë radhazi.
Tv Klan