Juventus ‘shikon’ finalen e Kupës
Dopietë e Ronaldos, portugezi vendos rekord
Juventus ka hedhur një hap drejt finales së Kupës së Italisë. Bardhezinjtë mposhtën 2-1 Interin në takimin e parë të zhvilluar në Milano, duke qenë shumë afër fazës së fundit të kompeticionit. Ishin zikaltërit, ata që kaluan të parët në avantazh, falë një goli të Lautaro Martinez në të nëntën.
Reagimi i Juventusit ishte i beftë. Ronaldo barazoi shifrat nga penalltia, teksa pak minuta më pas, portugezi përfitoi nga një keqmenaxhim i situatës në mbrojtje, për të shënuar golin e fitores. Një gol historik, me Ronaldon që bëhet sulmuesi më produktiv në botën e futbollit, pasi ngjitet në kuotën e 763 golave në nivel ekipor.
“Humbja në kampionat ishte një mësim i vlefshëm. Kemi punuar me gabimet dhe dha rezultat edhe në rezultat. Ky është vetëm raundi i parë, nuk ka përfunduar asgjë”.
Ndërkaq, trajneri i Interit, Antonio Conte qau gabimet e bëra, ndërsa foli edhe për situatën financiare të klubit.
“Në thelb ne bëmë gjithçka vetë. Juventus fitoi pas dy gabimeve tona. Performanca ishte pozitive, por jo rezultati. Është një situatë e çuditshme financiare. Gjithçka ngriu në Gusht”.
Takimi i kthimit luhet më 9 Shkurt.
Klan News