Juventus shkëputet në krye
Lazio tani është 7 pikë larg
Juventus fitoi 4-1 derbin me Torino të shtunën duke shtuar diferencën me Lazio që u dorëzua përballë Milan që e mundi 3-0. Diferenca tani është 7 pikë dhe për Juve titulli është akoma më pranë.
Goli i mrekullueshëm i Dybala dhe më pas ai i Cuadrado brenda gjysmë ore lojë treguan se Juventus do të zotëronte sfidën e qytetit. Belotti zgjoi më kot shpresat e Torino për të marrë diçka nga derbi, pasi Cristiano Ronaldo me goditje standarde dhe autogol i Djidji pak para fundit vulosën përballjen.
Kjo sfidë pati edhe një rekord me Giggi Buffon i cili zhvilloi ndeshjen e 648 në Serie A. Lojtarët e kishin të shkruar në fanellë këtë arritje. Lazio pati një ndalesë që e ndëshkon në pretendimet për titullin.
Disfata 3-0 në shtëpi me Milan. Çalhanoglu, Ibrahimoviç dhe Rebiç thyen Strakoshën me golat e tyre. Sot do të luhen takimet e tjera të javës së 30 të Serie A, duke nisur nga Inter-Bologna në orën 17:15.
Tv Klan