Kakavijë/ Përplaset nga makina punonjësi i policisë
Një punonjës policie është aksidentuar ditën e sotme në aksin rrugor Gjirokastër-Kakavijë, në vendin e quajtur “Ura e Kakavijës”.
Automjeti me targa AA 265 AL, i drejtuar nga Arjan Kusho, 40 vjeç, banues në Gjirokastër, ka goditur këmbësorin, efektiv i Policisë në Drejtorinë Rajonale për Kufirin dhe Migracionin Gjirokastër, i cili në momentin e aksidentit ishte me shërbim, Inspektor Shkëlqim Lila 44 vjeç.
Punonjësi i Policisë është transportuar në spitalin rajonal “Omer Nishani” ku ka marrë ndihmën e parë mjekësore dhe ndodhet jashtë rrezikut për jetën.
Në vendngjarje kanë shkuar shërbimet e policisë rrugore dhe grupi hetimor të cilët po punojnë për zbardhjen e plotë të rrethanave të ngjarjes.
Drejtuesi i mjetit është shoqëruar në Polici, për veprime të mëtejshme.
/tvklan.al