Video/ Masakra e Nice përsëritet në Gjermani, 9 të vdekur
Masakra e Nise, në Francë, përsëritet dhe në Gjermani. Të paktën 9 persona humbën jetën, kur një kamion u fut në një treg krishtlindjesh në kryeqytetin gjerman, Berlin.
Policia vendase tha se mbi 50 persona të tjerë kanë mbetur të plagosur në incidentin që po konsiderohet si një sulm terrorist nga autoritetet, të cilat dhanë alarmin për këtë.
Video të publikuara online nga vizitorët e tregut shfaqin kamionin e ndaluar mes tezgave. Zëdhënës të policisë gjermane thanë se po kërkojnë drejtuesin e mjetit, i cili është në arrati. Tregu ndodhet në Breitscheidplatz, pranë kishës Kaiser Wilhelm.
Në nëntor, Deparatamenti amerikan i Shtetit ka lëshuar një paralajmërim për “rrezik të lartë nga sulmet terroriste në Evropë, sidomos gjatë sezonit të festave të fundvitit”.
Në orën 23.00 të 14 korrikut të këtij viti, gjatë Festës së Pavarësisë së Francës, Mohamed Lahouaiej Bouhlel hyri në shëtitoren kryesore të Nice-s me një kamion 25 tonësh dhe shtypi qindra persona që po festonin, duke vrarë 85 prej tyre dhe duke lënë mbi 200 të plagosur./ tvklan.al
Lajmi në përditësim…