Kampionati Botëror i Volejbollit, ekipi Studenti – (29 Maj 1999)
Arkiva Lajme – Tv Klan 1999
Ka përfunduar në Hollandë Kampionati Botëror në Volejboll për djem por i veçantë për nga zhvillimi pasi ndeshjet janë luajtur në bar dhe jo në parket. Studenti klubi universitar është renditur në vendin e tretë pas një turneu të gjatë. 70 kanë qenë skuadra klubesh pjesmarrëse nga Hollanda dhe 25 nga bota, ku spikatin emrat e mjaft formacioneve nga Kanadaja, Polonia, Letonia, Gjermania etj.
Turneu është zhvilluar me sistemin me dy sete. Studenti i cili merr pjesë për herë të dytë në këtë manifestim gjigand ka luajtur në divizionin e parë në një grup me pesë skuadra, duke zënë vendin e parë me katër fitore e dy barazime.
Në raundin çerekfinal universitarët e Yllit të Tomorrit, luajtën në një grup me tetë skuadra, duke rregjistruar katër fitore, dy humbje e një barazim. Në fund të aktivitetit ekipi i Studentit është ndëshur për vendet e 3 dhe 4 me ekipin Letonez duke fituar duke fituar me rezultatin 2-0. Për të siguruar kështu edhe vendin e tretë në këtë turne ndërkombëtar./tvklan.al