Kamza largon Ramadan Ndreun
Tetë javë para përfundimit të kampionatit, Kamza vendosi të largojë trajnerin Ramadan Ndreu. Pas një takimi në mesditë të teknikut me Presidentin e ekipit Naim Qarri dhe kryetarin e Bashkisë Xhelal Mziu, u vendos shkëputja e marrëdhënieve mes palëve.
Mësohet se Ramadan Ndreu kishte disa javë që po mendonte largimin për t’i lënë mundësi skuadrës që të afronte një tjetër trajner në shpresën që situata të ndryshonte. Këtë të martë, Ndreu është parë bashkë me Qarrin në ambientet e stërvitjes. Lajmi u është komunikuar futbollistëve. Ndreu ka falenderuar lojtarët pasi për trajnerin ata kanë dhënë maksimumin e tyre duke rivalizuar me skuadrat më të mira të superligës.
Në dy fazat e para të kampionatit, Kamza ishtë skuadra surprizë, por mungesat e lojtarëve dhe kalendari jo i favorshëm sollën rënie në tabelën e renditjes. Në 9 ndeshjet e fazës së tretë, Kamza mori 2 barazime, dy fitore dhe 5 humbje. Aktualisht gjendet në vendin e 7 me 34 pikë.
Tv Klan