Kamza në garë për rikthimin në Superligë
Kamza po kërkon rikthimin në Superligë pas debutimit në sezonin 2011-2012. Skuadra që përfaqëson një qytet prej 100 mijë banorësh shumë pranë Tiranës udhëheq Grupin A në Kategorinë e Parë me 12 fitore në po aq ndeshje. Ecuria pozitive ka të bëjë me grupin e futbollistëve, të cilat kanë luajtur në Superligë në të kaluarën.
Pjesa e fundit e kampionatit është më e vështira, pasi përgjysmohen pikët dhe garojnë për ngjitjen në Superligë vetëm 5 vendet e para. Një element me përvojë është mesfushori Jetmir Sefa, fitues i shumë trofeve me Tiranën dhe Skënderbeun. 29-vjeçari nuk e shikon si kalimtare aktivizimin e tij te Kamza.
Te Kamza në këtë sezon luan edhe një brazilian, i cili uron që përvoja e tij në Shqipëri të jetë e vlefshme.
Kamza ndeshjen e radhës do ta ketë një përballje të vështirë në fushën e Erzenit.
Tv Klan