Kapen 3 shqiptarë me drogë, në pranga babë e bir
Itali- Tre shqiptarë të cilët akuzohen për trafik të lëndëve narkotike, kanë rënë në pranga të policisë . Mediat italiane shkruajnë se mes të arrestuarve janë babë e bir.
Në pranga kanë rënë përkatësisht, Z.R 26 vjeç, babai i tij, S.R 52 vjeç dhe një tjetër shqiptar me iniciale A.F 45 vjeç, rezident në Altamura.
Fillimisht është ndaluar nga policia i riu, të cilit i’u gjet 5 gram heroinë dhe 36 gram marijuanë, si dhe një thikë.
Pas ndalimit të 26-vjeçarit, policia ushtroi kontroll edhe në banesën e tij, aty ku ndodhej edhe i ati, i njohur për policinë italiane.
Pas kontrollit të ushtruar në banesë, policia gjeti edhe 260 gram lëndë narkotike të llojit marijuanë, e cila ishte e ndarë në pako.
Të tre personat e ndaluar ndodhen në arrest shtëpie në pritje të dënimit të shkurtuar./tvklan.al