Kapen me drogë e me thikë, në pranga tre të rinj
Tre persona janë arrestuar nga policia pasi janë kapur me lëndë narkotike dhe me një armë të ftohtë.
Policia e Durrësit ka vënë në pranga Aleksandër Selimllari 26 vjeç, Islam Kaloshi 29 vjeç, Sulerdi Meçja 27 vjeç, të tre banues në Durrës.
Arrestimi i tyre u bë pasi gjatë kontrollit fizik të ushtruar shtetasve Aleksandër Selimllarit dhe Sulerdi Meçja, iu gjetën dhe iu sekuestruan në cilësinë e provës materiale disa doza lëndë narkotike e dyshuar kanabis sativa.
Gjithashtu, gjatë kontrollit fizik të ushtruar ndaj Islam Kaloshit, iu gjet dhe iu sekuestrua në cilësinë e provës materiale një thikë.
Materialet i kaluan Prokurorisë së Rrethit Gjyqësor Durrës për veprime të mëtejshme për vepratpenale: “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”./tvklan.al