Kapet “Banda e makinave” (06 Nëntor 1998)
Pas rrethimit të zonës së Selitës, forcat e policisë së Komisariatit nr 2, kanë goditur një tjetër grup kriminal. Katër të rinj u arrestuan në flagrancë afër shkollës “Petro Nini Luarasi” teksa po tentonin të vidhnin një makinë. Policia është vënë në ndjekje të tyre ku në ajër janë shkrehur dhe armë. Sipas burimeve policore, të prangosurit, emrat e të cilëve mbahen ende të fshehur për arsye hetimesh, dyshohet se janë autorë të një sërë grabitjesh të autoveturave. Po sot, në këtë komisariat ka kryer një takim pune Shefi i Kabinetit të Ministrit, Fadil Canaj i cili përveç detyrave konkrete që ka cilësuar në kapjen e bandave, ka premtuar dhe shpërblim për policët që morën pjesë në dy aksionet e ditës së djeshme.
Pamje policie Komisariati nr.2./tvklan.al
Gazetar : Roland Zili