Kapet hajduti i garazheve në Tiranë (Video)
Policia e Tiranës ka arrestuar një 41-vjeçar me iniciale E.P., i akuzuar për disa raste të vjedhjeve në garazhet e pallateve në kryeqytet.
Ai u kap në flagrancë gjatë një aksioni të uniformave blu të koduar “gracka” në rrugën “Mujo Ulqinaku”. 41-vjeçari është person me precedent të mëparshëm penal dhe i dënuar për vjedhje.
Policia thotë se i arrestuari është autor edhe i disa vjedhjeve të tjera, konkretisht:
-Më datë 11.03.2019, në rrugën “Hajredin Shtino”, në garazhin e marrë me qera nga shtetasi A.G, dyshohet se ka vjedhur një kondicioner dhe zinxhirët e gomave të automjetit.
-Më datë 20.03.2019, në rrugën ‘’Reshit Çollaku’’, në garazhin e shtetasit E.H., dyshohet se ka vjedhur vegla pune si dhe ka dëmtuar derën e mjetit.
/tvklan.al