Kapet me 133 kg drogë në furgon, pranga 56-vjeçarit
Droga e gjetur në automjetin e tij, ka çuar në pranga një 56-vjeçar.
Burime të policisë bëjnë me dije se në sajë të operacionit të koduar “TOPOJA”, u bë i mundur arrestimi i 56-vjeçarit Gëzim Ferko, banues në lagjen “Mbrostar Ferko”, Fier.
Arrestimi i tij u bë pasi në aksin rrugor Fier-Seman, në mjetin e tij tip furgon me targa FR 1838 B, iu gjetën e sekuestruan në cilësinë e provës materiale 133 kg lëndë narkotike, e dyshuar kanabis sativa.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhim dhe shitje e narkotikëve” ./tvklan.al