Kapet shqiptari me drogë, nuk do ta besoni ku e fshihte
Një shqiptar është arrestuar në Chieti për shpërndarje të lëndëve narkotike.
Sipas policisë, B.A., 31 vjeç, në bashkëpunim edhe me tre persona të tjerë, të gjithë italianë, u shpërndanin drogë të rinjve në zonë.
Mësohet se 31-vjeçari ishte furnizuesi me drogë i grupit kriminal. Ai e fshihte drogën në një lulishte vetëm, pasi sigurohej se nuk ndiqej nga policia.
Autoritetet e ndaluan shqiptarin për një kontroll dhe i gjetën me vete një kilogram marijuanë.
Më vonë, në një kontroll tjetër të ushtruar në zonën përreth, policia arriti të gjente edhe 250 gramë të tjera marijuanë dhe 350 gramë kokainë të fshehura mirë nëpër disa vrima dhe një peshore elektronike.
/tvklan.al