Kavalishenca, gati për të pritur të evakuuarit
104 dhoma në Kavalishencën e Ushtrisë në Durrës janë gati për të pritur një pjesë të banorëve të evakuuar nga zonat e përmbytura. Kapaciteti akomodues në këtë qendër është 416 persona dhe sipas major Agim Deliut, pritet vetëm urdhri nga Shtabi i Emergjencës Civile për të hapur dyert e kësaj qëndre.
Familjet që do të strehohen në këto ambiente do t’u ofrohet ushqim dhe shërbim shëndetësor deri në rehabilitimin e plotë të situatës.
Banorët e prekur nga përmbytjet kanë nisur prej disa ditësh evakuimin nga banesat e tyre. Një pjesë janë strehuar në të afërm të tyre, ndërsa familjet e mbetura do të akomodohen në ambientet e përcaktuara nga Shtabi i Emergjencave.
Tv Klan