Këndi i lojrave tek Piramida – (17 Tetor 2000)
Lajme Arkiva – TV Klan 2000
Kjo sipërfaqe pranë Piramidës, po kthehet në një kënd lojërash për fëmijë. Janë rreth 2900 metra katror të vëna në dispozicion të disa lodrave të ardhura nga një shoqatë humanitare holandeze, të cilat do të jenë të hapura falas për fëmijët e kryeqytetit. Shoqata “Në dobi të gruas shqiptare”, Ministria e Kulturës dhe Bashkia e Tiranës, duke parë mangësitë e një këndi të tillë vendosën që këto ambiente, t’i përshtatin për fëmijë.
Puna për instalimin e lodrave ka filluar dhe pritet që muajin tjetër, ky ambient të fillojë funksionimin. Pas parqeve të fëmijëve të hapura në kryeqytet për argëtim, ky park është i pari i licencuar./tvklan.al