Kërkoi të korruptonte me 5 euro policin, pranga të riut
Një i ri është vënë në pranga, pasi ka tentuar të korruptojë punonjësin e policisë rrugore, për t’i falur shkeljen e bërë.
Sipas policisë është arrestuar 26-vjeçari Manol Cela, banues në Berat.
Arrestimi i tij u bë, pasi në aksin rrugor Levan-Tepelenë, duke udhëtuar me mjetin tip “Benz”, me targë AA 753 KR, i ka ofruar 5 euro punonjësit të policisë së qarkullimit rrugor për ta falur për shkeljen e bërë, pasi po lëvizte me mjetin me të probleme teknike.
Materialet do i kalojnë Prokurorisë pranë Gjykatës së Shkallës së Parë Fier për veprën penale “Korrupsion aktiv i personave që ushtrojnë funksione publike” ./tvklan.al