Kinezët tërbohen pas Ronaldos, oferta super marramendëse
Menaxheri i Cristiano Ronaldo, Jorge Mendes, ka bërë të ditur se për portugezin ka një ofertë nga Kina.
150 milionë euro në vit paga për futbollistin, 300 milionë për të blerë kartonin e tij nda Real Madrid.
Ronaldo ka deklaruar se dëshiron ta mbyllë karrierën e tij në Spanjë, por përballë këtyre shumave, mund të tundohet kushdo.
Jorge Mendes ka konfirmuar se ka realisht një ofertë prej 150 milionë. Sipas tij kjo nuk ka qënë oferta e parë dhe se kjo është normale pasi bëhet fjalë për futbollistin më të mirë në botë.
Megjithatë Mendes ka konfirmuar edhe dëshirën e lojtarit për të qëndruar në Madrid. Cristiano Ronaldo është një nga dy futbollistët më të mirë në botë bashkë me Lionel Messin.
Në moshën 31-vjeçare ai gjendet në kulmin e karrierës së tij pas fitimit të Champions League, Kampionatit Europian dhe Topit të Artë./ TV KLAN