Kishte tejkaluar afatin e qëndrimit në zonën Schengen, tenton të korruptojë policin
Kapshticë- Një person është arrestuar, pasi tentoi t’i ofronte ryshfet punonjësit të Policisë në dalje të Pikës së Kalimit Kufitar, sepse kishte tejkaluar afatin e qëndrimit në zonën Schengen
Specialistët e Sektorit të Hetimit të Krimit në Drejtorinë Vendore të Kufirit e Migracionit Korçë, bënë kapjen dhe arrestimin e Besmir Bega, 31 vjeç, banues në Berat.
Më datë 18.11.2017, ky Bega është paraqitur në dalje të Republikës së Shqipërisë, për të kryer veprimet e regjistrimit.
Në momentin kur punonjësi i policisë i ka kërkuar pasaportën, shtetasi i mësipërm ia ka dhënë këtë të fundit gjysëm të hapur me një kartëmonedhë të prerjes 20 Euro, në brendësi të saj.
Nga verifikimet e kryera në sistem rezulton se ky shtetas, kishte tejkaluar afatin e qëndrimit në zonën Schengen.
Materialet i kaluan Prokurorisë të Rrethit Gjyqësor Korçë për veprën penale : “Korrupsioni aktiv i personave që ushtrojnë funksione publike” parashikuar nga neni 244 i Kodit Penal.
/tvklan.al