Kishte vjedhur 5 automjete në Fier, arrestohet 46-vjeçari me precedentë penal
Policia e Fierit ka finalizuar këtë mëngjes operacionin e koduar “Mbrostari”, ku janë zbardhur 5 raste të vjedhjeve të automjeteve.
Në një njoftim për mediat, policia sqaron se i arrestuar ka mbetur një 46-vjeçar nga Tirana me iniciale E. O., i cili është me precedent të mëparshëm penal në fushën e vjedhjes.
Nga hetimet e kryera dhe provat e siguruara ka rezultuar se ky person është autor i dyshuar i 5 rasteve të vjedhjes së automjeteve në Fier.
Gjatë operacionit u sekuestruan në cilësinë e provës materiale një automjet, pesë palë çelësa automjetesh, dy targa dhe dy aparate celularë./tvklan.al