KMSH reagon për 7 të arrestuarit
Komuniteti Mysliman përjashton mundësinë që personat e arrestuar për terrorizëm të jenë punonjës të këtij komuniteti. Në një reagim për shtyp Komuniteti Mysliman thotë se e ka bërë të ditur edhe më parë qëndrimin e tij për mos përfshirjen e besimtarëve shqiptarë në konfliktin sirian.Sipas tij, pjesëmarrja në konflikte dhe nxitje dhune nuk përputhet me shpirtin e fesë islame.Në njoftim thuhet se Komuniteti Mysliman i Shqipërisë është promotor i vlerave më të bukura islame harmonisë dhe tolerancës në vendin tonë dhe se inkurajon një proces të drejtë ligjor.