Kokainë, heroinë dhe kanabis, arrestohet çifti shqiptar
Dy shqiptarë të moshës janë arrestuar nga policia greke për kultivim të lëndëve narkotike. Identiteti i tyre nuk bëhet i ditur, por janë të moshës 31 vjeç dhe 27 vjeç. Bashkë me ta u arrestua edhe një shtetas i huaj 27-vjeçar.
Shqiptarët janë një burrë dhe një grua, të cilët jetonin në ishullin Kalymnos dhe merreshin me kultivimin e kokainës, heroinës dhe kanabisit. Nga hetimet ka rezultuar se ata transportonin lëndën e parë nga Athina drejt ishullit ku banonin dhe më pas e kultivonin duke nxjerrë përfitime të mëdha ekonomike.
Mëngjesin e së mërkurës, 31-vjeçari shqiptar udhëtoi me traget nga porti i Pireut drejt ishullit Kalymnos dhe u prangos në flagrancë nga policia sapo zbriti në tokë. Ai mbante me vete një çantë, brenda së cilës kishte fshehur mbi 1 kilogramë heroinë, kërp të papërpunuar me peshë 1 kg. Gjithashtu atij iu sekuestruan edhe 2 celularë, 11 karta SIM, një laptop, fatura bankare dhe një fletore me shënime me shkrim dore. Gjatë kontrollit në banesë në ishull ku jetonte së bashku me gruan shqiptare, u gjetën dhe u sekuestruan 130 gr kokainë, 131 gr heroinë, 678 gr kanabis i papërpunuar, një peshore elektronike, dy celularë dhe 529 Euro. /
tvklan.al
Burimi: dimokratiki.gr