Aksion antidrogë në ish-Bllok, në pranga menaxherë e punonjës lokalesh (Emrat)
11 persona ka arrestuar policia e Tiranës gjatë operacioni antidrogë të zhvilluar në ambientet e disa lokale ve në zonën e ish-Bllokut.
29 persona të tjerë janë shoqëruar dhe më pas liruar pas verifikimeve të kryera. Sipas bluve të Tiranës disa lokale kishin krijuar kushte për klientët për të konsumuar lëndë narkotike. Në pranga kanë rënë disa menaxherë dhe punonjës të lokaleve . Nga hetimet është faktuar se ishin krijuar disa dhoma të veçanta me të gjitha mjetet e nevojshme për të konsumuar drogë të tilla si heroinë dhe kokainë. Në disa raste ishin po punonjës të stafit të lokaleve që shpërndanin drogën, ndërsa në disa raste të tjera shpërndarësit hiqeshin si klient të këtyre lokaleve.
Si provë materiale blutë kanë kapur 5 gramë kokainë, 3 gramë kanabis. Gjithashtu janë sekuestruar 2 kanoçe inoksi që shërbenin për ngrohjen e drogës, 20 telefona celular si dhe tuba plastik.
Aksioni i është vazhdën e atyre të marrë gjatë kësaj kohë nga policia për të goditur shitjen e drogës në zonën më të frekuentuar dhe populluar të Tiranës.
Shtetasit e arrestuar nga Policia e Tiranës, janë:
-Andri Buxhuku, 46 vjeç, banues në Tiranë, Menaxher i lokalit, Përshtatja e lokalit për përdorim droge.
-Geri Pogoni, 29 vjeç, banues në Tiranë, Menaxher i lokalit, Përshtatja e lokalit për përdorim droge.
-Elton Murati, 34 vjeç, banues në Tiranë, "Klient" - Shpërndarës i lëndëve narkotike.
-Dorjan Plaku, 26 vjeç, banues në Tiranë, i dënuar më parë për "Prodhimi dhe shitja e narkotikëve", "Klient" - Shpërndarës i lëndëve narkotike.
-Oltion Bekteshi, 36 vjeç, banues në Tiranë, Menaxher i lokalit, Përshtatja e lokalit për përdorim droge.
-Erjon Dobi, 24 vjeç, banues në Tiranë, "Klient" - Shpërndarës i lëndëve narkotike.
-Redi Roshi, 25 vjeç, banues në Tiranë, përdorues i lëndëve narkotike.
-Ermir Papadhimitri, 30 vjeç, banues në Tiranë, përdorues i lëndëve narkotike.
-Emiljano Llupo, 22 vjeç, banues në Tiranë, Staf kamarier i lolalit, Shpërndarës i lëndëve narkotike.
-Filip Fermanis, 31 vjeç, banues në Tiranë, Menaxher i lokalit, Përshtatja e lokalit për përdorim droge.
-Arlind Kozeli, 36 vjeç, banues në Tiranë, DJ dhe bashkëpronar i lokalit, Përshtatja e lokalit për përdorim droge.
I proceduar në gjendie të lirë shtetasi: -Elvis Lufi, 36 vjeç, banues në Tiranë, përdorues i lëndëve narkotike./ TV KLAN