Koleksioni i pikturave nga Muhammad Ali shitet për një vlerë marramendëse
Një koleksion i rrallë vizatimesh, skicash dhe pikturash nga kampioni i boksit, Muhammad Ali është shitur në një ankand për një vlerë thuajse 1 milion dollarë.
Çekici i shtëpisë së ankandeve “Bonhams” në Nju Jork trokiti për 26 punime artistike. Midis tyre, ndodhej vepra më e lakmuar e boksierit, “Sting Like a Bee” (Picko si një bletë), e cila u shit për 425.000 dollarë, 10 herë më shumë se vlera e parashikuar. Kjo vepër përshkruan stilin e boksit të Ali, i cili thoshte se ai fluturonte si një flutur dhe pickonte si një bletë.
Muhammad Ali është shquar si një nga sportistët, aktivistët dhe poetët më të mirë, por talentet e tij të tjera në art nuk njihen. Sipas shtëpisë së ankandeve, ai pikturoi dhe vizatoi gjatë të gjithë jetës, i inkurajuar nga babai i tij, një artist profesionist. Gjithashtu, Ali mori mësime nga artisti sportiv, LeRoy Neiman.
Muhammad Ali vdiq në vitin 2016 në moshën 74-vjeçare për shkak të sëmundjes së Parkinsonit./tvklan.al