Konkurset në shkollat e larta – (1 Shtator 1999)
Arkiva Lajme – Tv Klan 1999
14 mijë nxënës konkurent për 7030 vende në Universitetet Shqiptare. 1 Shtatori dikur dita e parë e shkollës sot është e para për fillimin e konkurseve. Tre janë degët e përcaktuara që hapin dyert e këtyre shkollave për konkurset në ditën e sotme, të cilat do të vazhdojnë me degë të tjera deri në 8 Shtator, datë e përfundimit të tyre.
Sot konkurentët për degët Juridik, Histori dhe Infermieri ulen në auditoret e Universitetit për të provuar dijet e marra dhe për më shumë qëndrueshmëri në këto auditore. Këtë vit kuotat e pranimit në Universitete janë më të larta. Kuota e pranimit në Juridik është 150 vetë, ku nga këta 133 fitojnë nga konkursi i zhvilluar. 15 do të hyjnë me pagesë dhe 2 fitojnë nga të përndjekurit. Ndërkohë që janë rregjistruar 992 vetë në këtë degë.
Ndërsa dega e Historisë rregjistron 290 nxënës, ku janë paraqitur sot 30 më pak, për 60 vende studimi. Por e veçanta e këtij viti është se brenda 24 orëve do të jepet rezultati i testimit të tyre dhe reklamimi apo afishimi pas dy ditësh, gjë që s’lë shkas për ndërhyrje dhe manipulime./tvklan.al
Gazetare – Holta Zhiti