Kontrolle policie në Berat – (5 Qershor 2000)
Arkiva Lajme – Tv Klan 2000
Rrugët e qytetit të Beratit prej ditësh ndodhen në patrullimin e vazhdueshëm të uniformave blu. Shtatë postoblloqe policie janë vendosur në pikat kryesore të lëvizjes në qytetin e Beratit. Rreth 500 trupa policore janë angazhuar në një super aksion për të shmangur lëvizjen e elementëve të kërkuar dhe personave me armë.
Si rezultat i kësaj janë kapur deri tani dy shtetas të shpallur më parë në kërkim. Nga kontrolli i automjeteve janë kostatuar gjithashtu edhe raste të qarkullimit me armë dhe janë vënë në pranga për armëmbajtje pa leje tre persona nga Berati.
Kontrolle të rrepta të policisë janë shfrytëzuar edhe nga qarkullimi rrugor i cili në saj të shtatë postoblloqeve të përforcuara, ka arritur të kostatojë dhe të ndëshkojë me gjoba me dhjetra automjete me mangësi në dokumentacion. Furgonat blu vazhdojnë të lëvizin nëpër Berat për të pasur nën kontroll gjendjen dhe për të shmangur lëvizjen e elementit kriminal nëpër qytet./tvklan.al