Korçë, fajtorë 18 gardianë të burgut të Drenovës
18 nga 19 gardianët, të cilët u arrestuan pas arratisjes së 7 të dënuarve nga burgu i Drenovës, nëntorin e kaluar u shpallën fajtorë nga gjykata me akuzën e shpërdorimit të detyrës. Gjykata i dënoi ata me 6 deri në 1 vit muaj burg. Për 5 prej të pandehurve u pezullua dënimi me kusht dhe u aplikua dënimi alternativ, ndërkohë, të gjithë përfituan uljen e një të tretës së dënimit për shkak të procedurës me gjykim të shkurtuar. Avokatët mbrojtës thanë se do t’i drejtohen gjykatës së Apelit për të ankimuar vendimin.