Koreja e Veriut demonstron forcën
Një ditë përpara nisjes së Lojërave Olimpike dimërore që do të mbahen në Korenë e Jugut, regjimi komunist i Koresë së Veriut kreu një tjetër demonstrim të fuqisë ushtarake, përmes paradës së përvitshme ushtarake në sheshin qendror në Penian.
Parakalimet e forcave të armatosura zhvillohen zakonisht në muajin prill, por këtë herë ceremonia u zhvendos më herët, çka sipas ekspertëve politikë është një mesazh i qartë i tregimit të forcës ndaj fqinjit jugor. Megjithatë marrëdhëniet mes dy vendeve duke se janë në rrugën e duhur. Presidenti koreano-jugor Moon Jae-in do të takojë të shtunën delegacionin olimpik të Koresë së Veriut. Në këtë delegacion bëjnë pjesë edhe kreu i ceremonive shtetërore dhe motra e diktatorit, Kim Jong-un, Kim Yo-jong, e cila është pjesëtarja e parë e dinastisë në pushtet që viziton Korenë e Veriut.
Parada shënon 70-vjetorin e krijimit të ushtrisë koreano-veriore. Përpara liderit komunist parakaloi edhe raketa ndër-kontinentale Huasong-15, e testuar 2 herë gjatë vitit 2017. Por tonet këtë herë dukeshin më të zbutura. Kim Jong-un në fjalimin e tij nuk lëshoi asnjë kërcënim drejt SHBA-ve, duke u ndalur thjesht tek cilësimi i Koresë së Veriut si një superfuqi globale ushtarake.
Tv Klan