Koreja e Veriut provokon sërish
Ministria e mbrojtjes e Koresë Jugore thotë se Koreja Veriore i ka hedhur tri raketa balistike në drejtim të Detit të Japonisë. Ky provokim bëhet në ditën finale të samitit G20 në Kinë.
Në këtë samit po marrin pjesë shumë liderë botërorë, që e mbështesin izolimin ndërkombëtar të Koresë Veriore për shkak të programit të saj të armatimit atomik.
Është hera e parë që Kina i hap dyert samitit të nivelit të lartë të G20 ku liderët botërorë janë mbledhur në një takim dy ditor në Hangzhou. /tvklan.al