Kosova ,verifikuesit e OSBE-së (23 Dhjetor 1998)
Një ekip vëzhguesish të OSBE-së vizitoi banorët e një fshati më afërsi të kufirit me Shqipërinë. Ky është kontakti i parë që banorët kanë patur me vëzhguesit e OSBE-së gjatë këtyre dy muajve. Fshatarët thanë se ushtarët serbë i kërcënojnë vazhdimisht dhe shkojnë çdo ditë në shkollën e këtij fshati duke i marrë në pyetje fëmijët lidhur me UÇK-në.
Ven Ovens, anëtari i misionit të verifikimit tha se po bëhet gjithçka që këta njerëz të ndihen më të sigurt. Pala serbe sipas tij, është zemëruar kur është shkuar në mes të ndonjë operacioni dhe është e qartë se atyre nuk u pëlqen prania e misionit të verifikimit. Në disa raste shprehet ai, ata janë detyruar që t’i jepnin fund operacionit si rezultat i pranisë së vëzhguesve.
Në fshatin Lubishtë mbizotëron tensioni dhe frika. Ushtarët serbë urdhëruan shumë veta që t’i braktisnin shtëpitë javën e kaluar pasi u plaçkitën dhe u vranë shumë ushtarë të UÇK-së. Java gjatë së cilës misioni i vëzhgimit në këto fshatra ka filluar punën, ka qënë më e përgjakshmja që nga koha kur u arrit marrëveshja e përkohshme e paqes./tvklan.al
Gazetare : Mirela Milori