KPD, Kryeministri Majko – (9 Korrik 1999)
Arkiva Lajme – Tv Klan 1999
Kryeministri Pandeli Majko në mbledhjen e Komitetit të Përgjithshëm Drejtues të Partisë Socialiste.
Kryeministri Pandeli Majko:- “Mendoj se është momenti që larg motiveve personale që kemi parë në të shkuarën të ndërtojmë strategjinë tonë partiake për të ardhmen. Kongresi ynë do të jetë edhe një pikë ndarëse e bashkuese e socialistëve shqiptar, për të vazhduar të jemi të aftë të menaxhojmë besimin e të krijojmë bindjen se do të vazhdojmë të qeverisim Shqipërinë. Ne socialistët shqiptarë kemi shumë për ti thënë publikut për ato çfarë kemi bërë deri tani dhe besoj kështu do të jetë edhe e nesërmja. Të dashur shokë dhe shoqe, në fund të muajit të kaluar, partia jonë fitoi statusin e anëtarit me të drejta konsultative të Internacionales Socialiste. Është koha që roli dhe vendi i faktorit shqiptar të konsolidohet qartë”./tvklan.al