Krimi në rrethe – (23 Shtator 1999)
Arkiva Lajme – Tv Klan 1999
Në Fier policia kërkon për drogë dhe brenda serave të privatëve. Tre vëllezërit Krasniqi pronarë të disa serave diellore në Fier janë arrestuar mbrëmë pasi kanë kundërshtuar policinë të kryejë një kontroll për bimë narkotike. Sulmi kundër kanabis nga anti-droga në Fier duket se nuk do të ndalet. Nga policia nuk behët e ditur nëse u gjetën bimë narkotike apo jo në serat e tyre. Ndaj arrestimit të tre vëllezërve ka protestuar sot Partia Demokratike duke thëne se ata janë aktivistë të PD.
25-vjeçarja nga Siberia, Anxhela Kashakaru është arrestuar dje në një nga lokalet buzë detit në Divjakë pasi nuk kishte dokumenta identifikimi. Bashkë me të u arrestua dhe pronari i lokalit.
Sot në Institutin e Fiskulturës në Tiranë u hap paniku sikur dy studentë kishin marrë peng një pedagogun e tyre. Disa orë më pas Shefi i Komisariatit Numër 2, Arben Dashi sqaroi se gjithshka ishte një keqkuptim, pasi pedagogu dhe studentët kanë pohuar se po pinin një kafe duke mohuar çdo koment për rrëmbim personi.
Plagoset pasi shkel mbi mina. Një ushtar është plagosur në të dy këmbët pranë Piramides në Has, 300 metra në territorin tonë. Ushtari që është plagosur pasi ka shkelur mbi mina është efektiv me rrogë, 50-vjeç ndodhet jashtë rrezikut./tvklan.al
Gazetar – Eduart Frangaj