Kriteret që duhen plotësuar për të qenë sekretar i një deputeti (25 Tetor 2000)
Të punosh sekretar apo sekretare e një deputeti përfiton 12 mijë lekë të reja rrogë mujore. Më shumë se gjysma e deputetëve kanë depozituar në zyrat e parlamentit emrat e kandidatëve për sekretar apo sekretare, emërimi i të cilit kryhet nga kryeparlamentari Gjinushi. Për sekretaret apo sekretarët nuk është kriter mosha e re, por arsimi i lartë , kryesisht juridik.
Megjithatë deputetët kanë punësuar si sekretar dhe oficerë të liruar, agronomë dhe ekonomistë. Krahas 115 sekretarëve, deputetët do të kenë zyrën e tyre pranë komunave dhe bashkive në zonat ku janë zgjedhur. Fondet për pagesat e sekretarëve dhe zyrave do të jepen nga Ministria e Pushtetit Lokal./tvklan.al