Kroçera përplaset me anijen, panik tek turistët (Video)
Një kroçere me turistë në bord është përplasur me një anije mëngjesin e së dielës rreth orës 8:30 në kanalin Giudecca në Venecia, raportojnë mediat italiane. Kroçeria 275m e gjatë ka një kapacitet prej 2.679 pasagjerësh.
Pamje dramatike tregon dhjetëra turistë që vrapojnë.
#BREAKING: Tourists flee as cruise liner smashes into dock in Venice pic.twitter.com/DSIjHckYxk
— Russian Market (@russian_market) June 2, 2019
Katër persona morën lëndime, por vetëm dy prej tyre u dërguan në spital për të marrë ndihmën e nevojshme.
Lidhur me ngjarjen e cila për fat të mirë nuk pati pasoja të rënda është duke u zhvilluar një hetim për të kuptuar se çfarë ndodhi saktësisht. Paraprakisht është thënë se ka pasur një problem në motorin në anijen gjigante e quajtur MSC Opera, por asnjë gjë nuk është zyrtare.
Rrymat ujore e bënë të pamundur që kroçera të ndalej, duke goditur kështu anijen.
Autoritetet vendase kanë ngritur edhe më herët shqetësimin se moli ku ndodhi përplasja nuk është i përshtatshëm për ankorimin e kroçerave të mëdha turistike. Venecia është një vend i jashtëzakonshëm për turistët dhe anijet turistike, sidomos gjatë sezonit turistik të verës./tvklan.al