Kryebashkiaku Rama takim me qeverinë e nxënësve të Tiranës – (16 Mars 2001)
Lajme Arkiva – TV Klan 2001
Kryetari i Bashkisë Edi Rama është takuar sot pasdite me një përfaqësi të qeverisë së nxënësve të kryeqytetit, si dhe me anëtarë të këshillit rinor, për të diskutuar mbi bashkëpunimin që mund të lind midis bashkisë dhe vetë nxënësve. Rama ka mirëpritur iniciativat e nxënësve, duke u krijuar mundësinë e prezencës në komisionet qytetare, që bashkia do të ketë së shpejti.
Në një bisedë tepër të lirshme, kryebashkiaku Rama ka ofruar ndihmesën e institucionit të tij në momentin kur projektet të jenë gati. Vetë nxënësit kanë diskutuar për mjaft probleme që i rrethojnë shkollat e mesme të kryeqytetit, por para kryebashkiakut ata nuk paraqitën asnjë projekt konkret, pasi më parë kërkonin mbështetjen e këtij të fundit, gjë të cilën Rama e ka dhënë me mjaft dëshirë./tvklan.al