Kryebashkiaku Rama takim me studentët për projektet në Tiranë – (21 Shkurt 2001)
Lajme Arkiva – TV Klan 2001
Problemet e infrastrukturës së qytetit, si edhe përthithja e projekteve të reja tepër të rëndësishme nga të rinjtë, kanë qenë arsyet që kryetari i bashkisë Edi Rama është takuar me studentët e Universitetit Politeknik të Tiranës. Në prani të rektores së Universitetit Politeknik, Tamara Eftimi, studentëve të ndryshëm të degëve të këtij universiteti, si dhe përfaqësuesve të bashkisë, Rama u shpreh, se jam këtu për të krijuar një partneritet të nevojshëm në këto momente që iu përshtatet si studentëve ashtu edhe bashkisë.
Studimet dhe projektet e studentëve, që do të kenë dëshirë për këtë bashkëpunim, vijoi ai më tej, do t’i ngjiten projekteve të infrastrukturës, në një studio të re që do të ngrihet në bashki, ku njëkohësisht do të trajtohen edhe projektet e planifikimit urban./tvklan.al