Kryeministri Majko në Qytetin Studenti – (10 Gusht 1999)
Arkiva Lajme – Tv Klan 1999
Intervistë me Kryeministrin Pandeli Majko në Qytetin Studenti.
Kryeministri Pandeli Majko:- “Ky është konvikti ku kanë jetuar studentët e Inxhinierisë në vitet ‘90, vazhdojnë normalisht të jetojnë edhe akoma studentët e Inxhinierisë dhe siç e patë po bëheshin disa riparime, të cilat unë i quajta riparime jo të cilesisë së duhur. Do të vij sërish në Tetor dhe shpresoj që do të shoh ndryshimet përkatese, pasi Qyteti Studentit për këtë Qeveri nuk është vetem thjesht një Qytet Studenti dhe vetëm kaq, është diçka më tepër. Shpresoj të ketë një ristrukturim të Qytetit Studenti për t’i dhënë atij një status real nga pikëpamja e drejtimit. Tjetër problem është që këtu ka shumë ndërtime pa leje. Këtë po më tregojnë drejtuesit që dikush do të ndërtonte këtu midis konvikteve, akoma ndërtime pa leje. Sigurisht unë nuk mendoj që të gjitha problemet e këtij Qyteti Studenti të zgjidhen në një muaj. Ashtu siç edhe nuk mendoj që këtu kam ardhur për të vendosur gjërat me urdhër të peshkut”./tvklan.al
Gazetar – Vladimir Lame