Kryetari i Bashkisë Athinë me Brojkën – (8 Shkurt 1999)
Arkiva Lajme – Tv Klan 1999
Për herë të parë kryetari i bashkisë së Athinës Avramopulos viziton Shqipërinë dhe Bashkinë e Tiranës. Me ftesë të kryetarit Brojka ky takim pune i shërben bashkëpunimit të mëtejshëm të dy vendeve, që sipas Brojkës kanë mjaft gjëra të përbashkëta.
Një takim i cilësuar në interes të qyteteve dhe qytetarëve. Vizioni i Brojkës është largpamës dhe mendon se lidhjet do të vazhdojnë me tej. Ndërsa Avramopulos bashkëpunimin e sheh të shënuar kohë më parë dhe bisedimet e tanishme bëhen në kuadër të konferencës së kryetarëve të bashkive të Europës Juglindore. Për shqiptarët që ndodhen në Athinë ai mendon se ata e ndjejnë se Greqia është e hapur për ta.
Deri tani hapat që kryetari i bashkisë së Athinës ka ndërmarrë për shqiptarët është hapja e një emisioni shqip në radion lokale si dhe zhvillimi i mjaft aktiviteteve kulturore në Athinë./tvklan.al