Kryetari i PD Berisha ironizon listën e deputetëve të PS – (5 Maj 2001)
Lajme Arkiva – TV Klan 2001
Kryetari i Partisë Demokratike Sali Berisha është shprehur mjaft entuziast për kandidaturat socialiste të listës së deputetëve. Ai tha, se kjo është një mundësi më shumë për fitoren e sigurt të demokratëve.
Sali Berisha, Kryetar i PD:- “Nga një shikim i shpejtë, që u bëra listave, aty pashë në tërësi, emrat që nuk u votuan në konferencat e PS, gjatë viti që kaloi, nga baza e tyre për shkak të implikimit të thellë në trafiqe dhe bëma. Ne fitoren e kandidatëve tanë, nuk do ta bazonim tek dobësia e kandidatëve të kundërshtarit, por tek alternativa e shkëlqyer, që ne i paraqesim shqiptarëve në këtë fillim të ri. Por nuk mund të mohojë se një inkurajim i madh shtesë janë edhe kandidatët e diskretituar të PS, shumë prej tyre që u paraqitën sot. Zhvillimet janë shumë pozitive për koalicionin opozitar. E vërteta është që kjo qeveri dhe ky regjim, le t’i numërojë ditët deri më 24 Qershor”./tvklan.al
Gazetare – Ornela Bego