Kualifikohet Lazio, përballet me Interin
Lazio u kualifikua për në çerekfinalet e Kupës së Italisë pasi mundi Genoan 4-2. Superndeshje ajo e Olimpicos, që fillimisht pa Lazion në avantazh me dy gola. Në minutën e 20 shënoi Xhorxhevic, ndërsa 10 minuta më vonë dyfishoi Hut. Më parë Anderson humbi një 11 metërsh.
Reagimi i Genoas erdhi në fund të pjesës së parë fillimisht Pinila dhe më pas Pandev barazuan rezultatin.
Pjesa e dytë ishte vendimtare. Ndeshje u ekuilibrua edhe me lojë, por Lazio ishte më e qartë në aksionet e saj duke shënuar golin e tretë me Milinkovic-Savic ndërsa goli i sigurisë dhe i kualifikimit erdhi nga Immobile. Lazio tashmë do të ndeshet në çerekfinale me Interin./ TV KLAN