Kualifikueset e Botërorit 2018, Belgjika i shënon 8 gola Estonisë
Hollanda fiton pa shkëlqim 3 – 1 në fushën e Luksemburgut, që shpresoi te një barazim në këtë sfidë kualifikuese të botërorit.
Një fitore e holandezëve që ngjiten në vendin e dytë në Grupin A me pikë të barabarta me të tretin ku renditet përfaqësuesja suedeze. Ekipi kampion i Europës, Portugalia, fitoi 4 – 1 takimin me Letoninë. Cristiano Ronaldo shënoi 2 nga golat për portugezët. Megjithatë kreun në Grupin B e mban Zvicra, që mundi 2 – 0 Ishujt Faroer.
Zviceranët janë me pikë të plota pas 4 ndeshjesh. Belgjika vijon të tregojë forcën në Grupin H. Fitorja 8 – 1 me Estoninë e tregon qartë se synon ta mbyllë në krye këtë fazë kualifikuese.
Barazimi 1 – 1 me Bosnje Hercegovinën e mban në vendin e dytë Greqinë. Këto ishin sfidat e fundit eliminatore për këtë vit./ TV KLAN