Kualifikueset e Botërorit të Amerikës Latine, Brazili absolut në grup
Argjentina ngec ndaj Paraguajit, fiton Peruja
Ecuria e përsosur e Brazilit në kualifikueset e Amerikës së Jugut për Kupën e Botës 2022 nuk ndalet. Kombëtarja “Seleçao” mposhti me përmbysje Venezuelën me shifrat 3-1. Ekipi i Tite nuk toleroi aspak, me përjashtim të golit të avantazhit fillestar të shënuar nga Ramirez. Në pjesën e dytë, Brazili tregoi tjetër fytyrë dhe përmbysi gjithçka falë golave të Markinjo, Gabigol e Entoni. Fitorja e nëntë qe me po kaq sfida për Brazilin, që numëron 27 pikë dhe ka edhe një sfidë për të rikuperuar ndaj Argjentinës.
Albiselestët nuk arritën që të gjenin fitoren përballë Paraguajit. Edhe pse Messi ishte në një superformë, sulmuesi nuk arriti që të “thyejë” mbrojtjen kundërshtare dhe të ndryshonte shifrat e barazimit përfundimtar në 0-0. Argjentina ka 19 pikë, 8 më pak se Brazili në vendin e dytë.
Fitore komode regjistroi Ekuadori në shtëpi 3-0 përballë Bolivisë dhe u ngjit në vendin e tretë me 16 pikë. Tre pikë në llogari shtoi edhe Peruja, ku mposhti 2-0 Kilin, me golat e Kueva dhe Pena që e afrojnë me zonën e kualifikimit direkt për në Botërorin e Katarit të vitit të ardhshëm. Pa gola u mbyll edhe sfida e Montevidjo, Uruguaj-Kolumbi.
Klan News