Kujdes me gjobat nëse mendoni të kaloni pushimet në këto ishuj italianë
Të gjitha pjatat plastike, gotat, enët do të ndalohen në Ishujt Tremiti, një arkipelag jashtë brigjeve lindore të Italisë, duke filluar nga 1 maji 2018.
Sipas
The Independent
kushdo që kapet duke përdorur sende plastike për të ngrënë në ishujt italianë do të gjobitet nga 50 deri në 500 euro.
Rregullat e reja, të vendosura nga kryebashkiaku i arkipelagut, Antonio Fentini, u krijuan për të frenuar nivelet e larta të grimcave plastike të gjetura në ujë rreth ishujve.
“Ditë pas dite po shohim njerëz të cilët vrasin detin tonë dhe ne duhet të bëjmë diçka, menjëherë”
, tha ai.
Fentini po inkurajon njerëzit që të përdorin enë qelqi në vend të atyre plastike.
Shishet plastike, megjithatë, janë ende të lejueshme. Ai shpreson se kjo mund të ndryshojë, me një lëvizje drejt shisheve të qelqit./tvklan.al