Kujdes! Mos e shkarkoni këtë version të WhatsApp
Disa përdorues po bien viktimë të një mashtrimi që u sugjeron atyre të shkarkojnë “WhatsApp Gold”, një version “ekskluziv” i aplikacionit të famshëm në ngjyrë të artë. Në fakt një version i tillë nuk ekziston dhe bëhet fjalë për një virus që prek telefonat.
Siç shkruan “The Independent”, gjatë ditëve të fundit përdorues të shumtë të aplikacionit raportojnë se kanë marrë mesazhe që i sugjeron ata që të regjistrohen për këtë shërbim nëpërmjet website WhatsApp Gold, që është i bashkangjitur me mesazhin.
Aplikacioni i “ri” premton shërbime të përmirësuara, si dërgimi i qindra fotove njëkohësisht, emojis të reja, telefonata video etj.
Sigurisht gjithçka është një mashtrim. Shkarkimi i këtij aplikacioni do t’ju infektojë telefonin me virus, duke i dhënë, me shumë mundësi, akses kriminelëve kibernetikë që t’ju vjedhin të dhënat apo të përgjojnë çdo lëvizje dhe aktivitet tuajin. /tvklan.al