Kukësi ngjitet në vendin e parë
Kukësi dhe Skënderbeu këmbyen vendet në renditje, por janë në të njëjtën kuotë pikësh. Ekipi i Ernest Gjokës mundi Laçin me rezultatin 2 – 0 në sfidën e javës së 13 të zhvilluar në stadiumin “Zeqir Ymeri”. Dvornekovic dhe Emini ishin shënuesit në këtë triumf, që e kthen Kukësin në vendin e parë.
Skënderbeu u ndal në fushën e Luftëtarit në një barazim pa gola. Skuadra gjirokastrite po zhvillon një kampionat të mirë, ndërsa ajo korçare ka humbur nga shkëlqimi i sezoneve të kaluar. Skënderbeu kishte mungesa të rëndësishme për shkak dëmtimesh, mes tyre sulmuesi kryesor Salihi.
Flamurtari fitoi 2 – 1 me përmbysje ndaj Teutës. Durrsakët e mbyllën në avantazh pjesën e parë, por pas pushimit, vlonjatët shënuan dy herë për të marrë 3 pikë në fushë kundërshtare.
Vllaznia konsolidoi pozitat në vendin e pestë falë fitores 3 – 0 me vendin e fundit Korabin. Sfida e zhvilluar në Shkodër u ndërpre për pak minuta, pasi kullat u fikën dritat.
Në ta gjitha ndeshjet e Superligës u mbajt 1 minutë heshtje për të nderuar futbollistët e skuadrës braziliane Chapecoense, të cilët vdiqën në një aksident ajror në Kolumbi.
Tv Klan