Kuvendi një minutë heshtje për nënën që shpëtoi dy fëmijët
Një minutë heshtje është mbajtur në Kuvendin e Shqipërisë, për nder të nënës së dy fëmijëve, e cila mbeti viktimë në një aksident ditën e djeshme në Tiranë.
Ka qenë ish-kryeminsitri Sali Berisha ai që ka kërkuar të mbahet një minutë heshtje, për atë që e cilësoi "nëna heroinë".
Mesditën e djeshme, në rrugën “Asim Vokshi”, Andrea Memollari përplasi për vdekje shtetasen Dhurata Doku Prifti, 45 vjeç dhe pasi e shkeli me automjetin e tij tip “Benz” me targë “AA 476 GI” i kaloi përsipër dhe u largua nga vendngjarja.
Dhurata Prifti ka qenë një ish-sportiste e njohur në qitje për klubin Studenti. Ajo në momentin e aksidentit mbrojti dy fëmijët e saj, duke i dalë para makinës. /tvklan.al