Lajme nga Kosova, Hollbruk dhe Ollbrajt (11 Mars 1999)
Megjithëse politika dhe diplomacia botërore po bëjnë të pamundurën për të arritur një firmë të përbashkët në Marrëveshjen e Paqes, duket se pozicionet e të dyja palëve që pas Rambujesë janë ashpërsuar dhe më tej. Hollbruk, mediatori amerikan pas 8 orë bisedimesh me Millosheviçin ka folur me Ollbrajt për përfundimet negative të bisedës së tij me Presidentin Jugosllav.
Ambasadori Amerikan në Shkup Kristofer Hill ka deklaruar se është i shqetësuar për atë që po ndodh në Kosovë. Luftimet kanë përfshirë fshatrat e Kosovës Veriore dhe Perëndimore. Edhe në Prizren vazhdojnë luftimet. Fshatra të tëra të Kosovës janë boshatisur si pasojë e shpërnguljes masive të popullsisë./tvklan.al
Gazetare: Mirela Milori