Lajme nga sport vendi, futboll (19 Tetor 1999)
Nesër për javën e dytë të kampionatit kombëtar të kategorisë së dytë për grupin A do luajnë dhe katër skuadra të tjera, Erzeni, Korabi, Devolli e Gramozi. Sipas përgjegjësit të kategorisë së dytë pranë FSHF-së Gjergji Thaka këto skuadra që u futën tani për të marrë pjesë në kampionat kanë plotësuar kushtet e vëna më parë nga FSHF-ja.
Ndeshjet do të fillojnë nesër në orën 14.00 dhe kalendari i këtyre ndeshjeve është ky: Grupi A1, Burreli-Kukësi gjyqtar Arbne Molla, Ilirviking-Kastrioti gjyqtar Bujar Pregja, Besëlidhja-Laçi gjyqtar Luan Zylfo, Erzeni-Korbani gjyqtar Ilir Kristo.
Grupi A2 , Memaliaj-Sopoti gjyqtar Ilir Gashi, Butrinti-Tepelena gjyqtar Ilir Cufi, Besa-Pogradeci gjyqtar Ylvi Kollari, Alpetrol-Naftëtari gjyqtar Besnik Ibrahimi dhe Devolli-Gramozi gjyqtar Fevzi Topçiu./tvklan.al