Lajme nga sporti, volejboll ( 11 Tetor 1999)
Teuta e Durrësit për femra dhe Studenti për meshkuj kanë fituar dy takimet e para për Kupat e Evropës në volejboll. Skuadra e Teutës së Durrësit ka luajtur për kupën e kampionëve ku ka fituar të dy takimet në Lukavec të Maqedonisë me skuadrën kampione të Maqedonisë, takimin e parë 3-0 dhe takimin e dytë 3-1. Teuta do të ndeshet me Slavia të Bratislavës ku takimt do të zhvillohen në Sllovaki më 28 dhe 29 Nëntor dhe takimi i dytë me 4 dhe 5 Dhjetor.
Ekipi i Studentit për meshkuj i zhvilloi të dy takimet në Pallatin e Sportit “Ramazan Njala” të Durrësit duke fituar takimin e parë ndaj Simpost të Sarajevës 3-0 dhe takimi i dytë 3-2 duke u kualifikuar për vazhdimin e kupës së kupave ku do takohet me Papiron Sheget të Hungarisë. Takim i parë 4 dhe 5 Dhjetor në Hungari dhe takimi i dytë 11 dhe 12 Dhjetor në Shqipëri.
Zhvillohen takimet për javën e dytë të kampionatit kombëtar të basketbollit ku udhëheqin Tirana dhe Skënderbeu me pikë të barabarta për femra. Për meshkuj udhëheqin me pikë të plotë Dinamo dhe Studenti. /tvklan.al